|
 A Casa da Cultura inaugura dúas exposicións
Na Casa da Cultura de Fene inaugúrase ás sete da tarde dúas exposición vencelladas directamente coa natureza. Trátase de “Operación Monarca” e “Áreas mariñas protexidas”. Na primeira móstrase a través de paneis explicativos un dos fenómenos máis abraiantes da natureza galega, o das bolboretas Monarca, que voan miles de quilómetros cruzando o Atlántico cada ano dende a costa norteamericana ata Galicia para invernar. A presentación desta exposición correrá a cargo do lepidopterólogo galego Eliseo Fernández Vidal, descubridor desta migración. Pola súa banda “Áreas mariñas protexidas” explica en que consiste esta ferramenta de xestión das pesqueiras para a conservación da biodiversidade.
A película “El golpe” abre o ciclo de cine clásico
Esta tarde coa proxección da película “El golpe” protagonizada por dous dos actores máis recoñecidos de Hollywood, Paul Newman e Robert Redford, inaugúrase o ciclo de cine clásico que organiza o Concello de Cariño. A cita que comeza hoxe repetirase todos os luns ás cinco da tarde no Local Social da Terceira Idade.
Portada | Opinión | Ferrol | Narón | Comarcas |
Galicia | Deportes | España | Mundo | Economía |
Sociedad | Comunicación | Última Página | El tiempo |
Titulares | Servicios | Agenda | Exposiciones |
Cartelera | Correo | | 
