Narón Sábado 13 de Marzo de 2010

O BNG organiza unha charla o vindeiro día 17 para conmemorar o Día da Muller redacción > ferrol O Bloque Nacionalista Galego de Narón súmase aos actos que nos últimos días se celebraron tanto no municipio como noutros concellos da comarca de Ferrolterra, Eume e Ortegal para conmemorar a xornada do 8 de marzo, Día Internacional da Muller. “A muller ante a crise” é o título da ponencia organizada este ano pola formación nacionalista. Neste acto intervirán a responsable da secretaría nacional da Muller da CIG, Margarida Corral; a psicóloga pontesa Rocío Trastoy e a técnica de emprego do Concello de Ferrol Maite Deus. O acto terá lugar o vindeiro mércores, día 17, na sala de conferencias da biblioteca municipal do Alto do Castiñeiro -ubicada na rúa 25 de Xullo, nas inmediacións da casa consistorial- e comezará a celebrarse ás 20.00 horas. Á cita poderán asistir tódalas persoas interesadas, xa que se trata dun acto aberto á cidadanía, tal e como indicaron desde a organización frontista. Portada | Opinión | Ferrol | Narón | Comarcas | Galicia | Deportes | España | Mundo | Economía | Sociedad | Última Página | El tiempo | Titulares | Servicios | Agenda | Exposiciones | Cartelera | Correo |