Ferrol Martes 8 de Julio de 2008

O teatro e os obradoiros de percusión amplían a oferta de Ortigueira REDACCIÓN > FERROL A organización do Festival de Ortigueira propúxose non deixar a penas ocos libres na axenda dos visitantes e complementa os concertos con numerosas actividades, entre as que destaca o teatro. Así, o sábado 12, ás oito da tarde, Carlos Blanco e Manecas Costa representan no Teatro da Beneficencia o espectáculo “Humor Neghro”. Ese mesmo día, na praza de Isabel II, ás cinco, A Internacional Teatro entreterá ós máis pequenos cunha función de monicreques titulada “Cucho, Coco e o dilema do 6”. A percusión é outro dos puntos fortes do encontro, con obradoiros que o grupo Odaiko -que actuará no escenario principal- ofrecerá ás cinco da tarde do domingo no Campo de San Roque, no piñeiral de Morouzos e no Teatro de Beneficencia. O concerto que nese mesmo escenario dará Emilio Rúa o domingo, ás oito, e as exposicións completan unha proposta á altura do trinta aniversario. Portada | Opinión | Ferrol | Narón | Comarcas | Galicia | Deportes | España | Mundo | Economía | Sociedad | Comunicación | Última Página | El tiempo | Titulares | Servicios | Agenda | Exposiciones | Cartelera | Correo |