Ferrol Domingo 14 de Marzo de 2010

Novo curso para manipuladores de alimentos o vindeiro 17 de marzo no centro da Malata redacción > ferrol A Cámara de Comercio de Ferrol organiza un curso de manipulador de alimentos que se impartirá o vindeiro mércores, día 17 de marzo, de 17 a 20 horas, no centro de formación desta entidade na Malata. Os participantes neste curso obterán, para acreditar a súa formación, o correspondente certificado homologado pola Dirección Xeral de Saúde Pública da Consellería de Sanidade. Os alumnos recibirán un breve manual que inclúe contidos xerais e contidos específicos segundo o sector de actividade de cada un deles, co obxectivo de que a formación que reciben sexa o máis adaptada posible ao seu traballo diario. As persoas interesadas en inscribirse poden dirixirse ao departamento de formación da Cámara (Tel. 981 333165 - Ext. 2). Contexto legal > Desde a entrada en vigor da actual lexislación sobre manipuladores de alimentos ­a principal novidade desta é que corresponde ao empresario a obriga de formar aos seus traballadores­ a Cámara de Comercio facilitou a formación a máis de 1.100 alumnos, que participaron nos cursos celebrados periodicamente en Ferrol, Ortigueira e As Pontes. A meirande parte destes alumnos son autónomos e traballadores de empresas do sector alimentario aos que afecta esta normativa: bares e restaurantes, comercio retallista (carnizarías, peixerías, ultramarinos, supermercados), comercio polo xunto e industrias alimentarias (panadarías, pastelarías, conservas, mel, cárnicas, etc.), comedores colectivos (colexios, residencias, centros de traballo), ademais de persoas que están á procura de traballo nalgúns destes sectores. Portada | Opinión | Ferrol | Narón | Comarcas | Galicia | Deportes | España | Mundo | Economía | Sociedad | Última Página | El tiempo | Titulares | Servicios | Agenda | Exposiciones | Cartelera | Correo |