O salón de actos do campus rende tributo desde onte á figura de Concepción Arenal

O salón de actos do campus de Ferrol leva desde onte o nome de Concepción Arenal. A Universidade da Coruña quixo centrar este ano na figura da escritora e activista social ferrolá a súa conmemoración do Día Internacional da Muller, que onte incluíu un acto institucional presidido polo reitor Julio Abalde. El foi o encargado de descubrir a placa conmemorativa colocada no devandito espazo, no que a continuación celebrouse unha conferencia sobre a figura homenaxeada.

A mesma correu a cargo de María Luisa Maillard, presidenta da Asociación Matritense de Mujeres Universitarias e directora de Eila Editores. A relatora falou da vida de Concepción Arenal nunha charla que foi seguida por unha lectura teatralizada da correspondencia entre Concepción Arenal e Juana de Vega.

Libro
A entrega dos premios da quinta edición do certame fotográfico Rosalind Franklin: as mulleres na ciencia e na tecnoloxía puxo fin aos actos institucionais organizados pola Oficina para a Igualdade de Xénero da UDC.
A autora, doutora en Filoloxía, estivo tamén pola tarde na Central Librera Real para presentar o seu libro sobre unha ferrolá que dedicou toda a súa vida á defensa da dignidade dos esquecidos da sociedade.