O actual Ateneo Ferrolán recolle a historia de décadas de compromiso polo desenvolvemento cultural e social da cidade, segundo as reivindicacións de cada momento. O historiador Guillermo Llorca falou de toda esta traxectoria nunha conferencia que se celebrou na sede desta sociedade senlleira (no edificio rehabilitado da rúa Magdalena).
Así, o Ateneo apareceu en 1879 e tivo tamén unha interesante etapa de 1903 a 1907, para pasar despois pola II República e habendo tamén un Ateneo Sindicalista (de 1914 a 1915) e un Ateneo Cultural de Ferrol Vello, de 1934 a 1936.
investigacións
Guillermo Llorca é un fondo coñecedor da historia ferrolá, que ten analizado desde diferentes puntos de vista, sempre vencellado ás súas xentes e ás formas de vida. Recentemente publicou un libro sobre La Ibense con Embora. Tamén escribiu artigos sobre os Ateneos na cidade.