O grupo Gorakada pon a correr a Phileas Fogg no Pazo da Cultura

O grupo Gorakada pon a correr a Phileas Fogg no Pazo da Cultura
Imaxe do artista compostelán

O ciclo de teatro familiar de Narón continúa este domingo cunha das actuacións principais deste outono, a da compañía Gorakada. Este prestixiosa formación vasca representará o domingo, ás seis da tarde, no Pazo da Cultura, “La vuelta al mundo”. Toman como referencia a historia que plasmou Julio Verne, na que o cabaleiro Phileas Fogg propón no seu clube, o Reform, dar a volta ó mundo en 80 días. Pero complícanllo un pouquiño máis a este aventureiro, pois este percorrido farano en 60 minutos. Botan man de música en directo e de diferentes recursos teatrais para crear ambientes que nos transportarán a países exóticos. As maletas e bauis servirán ós actores e ás marionetas para conseguir dar vida a este espectáculo e así viaxar en barco, en tren, en globo ou incluso en elefante.
Con dirección de Álex Díaz e Ze García, poñen en escena este texto de Julio Salvatierra os actores e músicos Aritza Rodríguez, José Cruz Gurrutxaga, Miren Larrea e Mikel Gaztañaga.
A seguinte actuación do ciclo familiar será a do músico Ara Malikian, o domingo 1 de de-cembro, co seu espectáculo “Cuentos del mundo”. As entradas por anticipado custan 10 euros, e o mesmo día, 12.

O grupo Gorakada pon a correr a Phileas Fogg no Pazo da Cultura

Te puede interesar